分享一下我過去喺護膚上錯誤嘅示範
俾大家警剔一下
可能當中都有你地嘅影子
1 ). 習慣性團貨
以前好鍾意一覺好用，未用到1/3，已經團定幾個，原因不外乎➡️驚到時無得賣➡️買多啲有得平➡️反正都要用，總之就好似身痕咁，唔團唔舒服
🚫向團貨說不
要知道皮膚會隨住季節/氣温/身體狀態而有所改變，皮膚長期使用一個配方都會有適應性，所以需要時不時檢視自己嘅日常護膚程序有無改善嘅空間，最簡單嘅例子：轉季都要轉skincare，係咪？
仲有而家嘅skincare都常見會更新配方，陸續都有加強版，升級版，咁到時跟唔跟轉加強版好，手上又仲有幾個，又無理由咁浪費，惟有迫自己用埋佢？何苦呢？
最後：新鮮度都係一個重點，要用就用最新鮮，買定一個做後備好正常，2個已經無必要，3個直情係無謂，錢多嘅話買啲再高級再強效啲嘅好過啦，我大把靚嘢可以介紹俾大家🤣🤣
都係嗰句啦，買唔緊要，但要買得聰明，買得合理，最緊要買係有價值，做個聰明嘅消費者
Comentarios